ஒரு அமெரிக்க மழை நாள் மாலை நேரம் காபி கடையில் உட்கார்ந்திருந்தேன்.
ஆள் நடமாட்டம் அதிகம். அம்புகளை போல காதிற்குள் குத்தி இறங்கியது சுற்றுப்புற பேச்சு சத்தம்.
"என்னிடம் அப்படி பேசிட்டான் அந்த 'அவனுக்கு' பொறந்தவன்...", டீ ஷர்ட், ஜீன்ஸ், முட்டி வரை பூட்ஸ் அணிந்து மிக நவநாகரிகமாக உட்கார்ந்திருந்த வலது மேஜை பெண், தொப்பி போட்டிருந்த இன்னொரு பெண்ணிடம்.
"அப்படியா நினைக்குற??? எனக்கென்னவோ நாளை மறுநாள் வரை காத்திருக்கலாம்னு தோணுது. தேவையானது கிடைச்சாச்சு. அப்போ ஒண்ணு பண்ணலாம். என்னது??? ஹா ஹா ஹா...." மூன்று ஃபைல்களுடன் ஒரு வெள்ளெழுத்து கண்ணாடி செல்போனில்.
"நிறைய காசு பார்த்தேன், முக்கால்வாசி தண்ணிலயே செலவு செய்திட்டேன், ஆனா ஜாலியா இருந்துச்சு..." பின் மேஜை மாணவன்.
இதற்கிடையில் ஒலிபெருக்கியில் 'ஜாஸ்' இசை வேறு.
